Ingrid Mustafa, bashkëshortja e Endri Mustafes, i cili u gjet pa jetë dje në zonën e Livadheve ka bërë me dije detajet e fundit nga kontakti me të shoqin.

Ajo u shpreh para mediave se ishte 15 vjeçari Ergys Malja ai që e nxorri në pritë, pikërisht në ditën e Bajramit. Sipas saj, i mituri kishte kërkuar që të shkonin bashkë në zonën e Livadheve por nuk kishte mundur që ta mësonte arsyen përse.

Mustafa tregoi se i mituri kishte dërguar si kod foton e një kali, për ti sinjalizuar se duhet që të takoheshin.

“I ka thënë që nuk po shkruaj mesazhe. Por nëse të çoj foto kali ti dil tek dera. Dikush është pas tij që ia ka bërë. Ka lidhje me Lict ? Jam unë deklarata sa herë të duhet. Nuk ka lidhje. Kemi shkuar shumë mirë. Kemi pasur hyrje e dalje

Na kanë hapur derën kur kemi pasur nevojë. Për armën nuk e di. Nga shtëpia doli me jelek. E përcolla deri tek dera. Burri im nuk u besonte askujt. Ai vinte një herë në 7 muaj dhe i kërkonte ndonjëherë kalin. Por kishte që në tetor 2020 që as kishte fol me të. Na ka ardhur ditën e Bajramit. Erdhi për Bajram dhe se kishte kohë pa i parë fëmijët. Kishte kohë pa i parë” tha ajo për mediat