Connect with us

Aktualitet

Gara të Formula 1 / Rama jep detaje nga projekti : Ëndërr që ka hyrë në rrugën e realizimit

Published

on

Bëri bujë disa ditë më parë lajmi se në Elbasan po projektohet për tu ndërtuar një automotopark. Kryeministri Edi Rama është ndalur mëngjesin e kësaj të hënë në këtë ëndërr ku thotë se ka hyrë në rrugën e realizimit. Autoparku modern, sipas Ramës, është projektuar në bashkëpunim me FIA-n.

“Mirëmëngjes, dhe me një tjetër ëndërr nga ato që kanë hyrë në rrugën e realizimit, Autoparkun ultramodern të Elbasanit, projektuar në bashkëpunim me FIA-n, nën udhëheqjen e drejtorit të Transportit Rrugor Shqiptar, Blendi Gonxhe, e kujdesin e Presidentit Jean Todt, ju uroj një javë të mbarë” shkruan Rama

Postimin e tij, kreu i qeverisë e shoqëron me video nga projekti 3D i pistës. Në të thuhet se automotoparku do të ketë Akademi Kombëtare të Edukatës dhe Sigurisë Rrugore, një muze për makinat retro, pistë offroad, poligon profesional manovrash drejtimi dhe qendra e test-homologimit, kartodromi i parë i homologuar ku do të presë gara kombëtare dhe ndërkombëtare, akademi motorsporti, pistë për heliport si dhe do të vendoset edhe Drejtoria Rajonale e Transportit Rrugor në Elbasan, ku do të ketë edhe qendrën e re të koalidimit

Deputeti Taulant Balla, deklaroi disa ditë më parë se kishte zhvilluar një takim me pjesëmarrjen e drejtuesve të DPSHTRR dhe të FIA-s mbi këtë çështje.

“Cirkuiti i parë shqiptar me pistë 5 km dhe një sipërfaqe prej 500,000+ m2 në qytetin e Elbasanit sipas standardeve të FIA, FIM dhe CIK! Edhe si qendër eventesh indoor dhe outdoor, muze e atelier RETRO, drag strip me gjatësi 1.2 km në kushte sigurie, autodrom dhe kartodrom i parë i homologuar, akademi motosporti dhe akademi edukimi mbi sigurinë rrugore, poligone profesionale testimi, pistë offroad, helipad dhe zonë sportive mjetesh ajrore ultra të lehta” shkruante Balla

Ndërkohë drejtuesi i DPSHTRR-së, Blendi Gonxhja, shkruante se: “Formula 1 në Shqipëri ? Think BIG ! Ëndrrat nuk realizohen nëse nuk synojmë LART” shkruan ai /tvklan.al

https://www.facebook.com/watch/?v=972660760250517

Continue Reading
Click to comment

Leave a Reply

Your email address will not be published. Required fields are marked *

Aktualitet

“O plehrë”, “ik, ik!”/ Përplasje të forta mes të rinjve dhe Lulzim Bashës, truprojat ‘fusin’ në lokal kreun e PD-së

Published

on

By

Takimi i Lulzim Bashës me disa gra demokrate është pritur me protesta nga një grup të rinjsh të FRPD-së. Ata i kanë bërë pritë Bashës përpara një lokali në zonën pranë RTSH-së.

Kryedemokrati ka arritur që të hyjë brenda në lokal, ku ka nisur takimi me rreth 30 minuta vonesë.

Të rinjtë e FRPD-së thanë se është e papranueshme mbushja e takimeve që nuk kanë asnjë lidhje me forumet e PD-së.

Basha u prit me thirrjet: Edi Basha, o plehrë , ik, ik, ik!

” Ai plehra është izoluar aty brenda! Ata të rinj që ka aty brenda nuk i kemi parë në FRPD, Basha pretendon se po bën takim me forumin rinor të PD, ja ku janë në të vërtetë të rinjtë e FRPD-së. Për atë plehrë kam humbur shkollën, kam bërë burg, kë godet ai demorkatët godet?

Unë humba shkollën për shkak se u procedova penalisht që ai të bëheshe kryeministër. Basha e ka zakon të fshihet pas truprojave të tij”, u shpreh i riu Arbër Kola.

Continue Reading

Aktualitet

“Ti duhet të jesh vetëm”/ Ndahen Donaldi dhe Beatrix?

Published

on

By

Donald Veshaj dhe Beatrix Ramosaj po kalojnë një periudhë të vështirë në çift.

Në një bisedë gjatë natës, aktori i tha Beatrix se është më mirë që ajo të jetë vetëm.

E kam shumë të vështirë që të flas me ty, as nesër as pasnesër, as deri sa të mbarojë ky format”, i tha Donaldi.

Nuk jam unë as robot, as klloun ja ***** r***, kam dhe unë mendjen time”, vazhdoi Donaldi.

Nuk po ta kërkoj këtë gjë, asgjë s’po të kërkoj tha më tej”, u përgjigj Beatrix.

Continue Reading

Aktualitet

Sherr i madh brenda burgut të Reçit, drejtori dhe shefi i policisë urdhëruan falsifikimin e raportit, 3 zyrtarë të pezulluar (EMRAT)

Published

on

By

Janë pezulluar nga detyra 3 zyrtarë të burgut të Reçit, në Shkodër. Personat e pezulluar janë drejtori i burgut të Shkodrës Maliq Meta, shefi i policisë Robert Bundo dhe nënkomisari Gëzim Qosku.

Dyshohet se 3 zyrtarët e pezulluar kanë falsifikuar raportet për një ngjarje brenda burgut.

Më konkretisht në datën 20 korrik 2021, rreth orës 10:25 në ambientet e ajrimit në IEVP të dënuarit “E.Ç.”, “F.G.” dhe “P.N.”, dhunuan me shkelma dhe grushte bashkëvuajtësin “E.Z.”.

Me urdhër të drejtorit dhe shefit të policisë, nënkomisari Qosku ka ndryshuar raportin për ngjarjen, duke falsifikuar firmat e dy punonjësve të policisë.

Nuk dihet nëse ky falsifikim është bërë përkundrejt një shpërblimi financiar.

Njoftimi:

Shërbimi i Kontrollit të Brendshëm të Sistemit të Burgjevemë 12.1.2022, zbatoi urdhërin e Prokurorisë së Rrethit Gjyqësor Shkodër për ekzekutim  vendimi penal të Gjykatës së Rrethit Gjyqësor Shkodër, me nr.20 (40), datë 11.01.2022 për caktimin e masës së sigurimit ndaluese “Pezullim i ushtrimit të detyrës në IEVP Reç”, parashikuar nga neni 242 i K.Pr.Penale për tre zyrtarë:

1-“M.M.”, Drejtori i IEVP-së Reç, Shkodër;

2-“R.B.”, Shefi i Policisë së IEVP-së Reç, Shkodër;

3-“G.Q.”, Nënkomisar Specialist Policie në IEVP-në Reç, Shkodër,

Urdhërin për ekzekutimin e vendimit e dha Prokuroria e Rrethit Gjyqësor Shkodër, pasi hetimi vërtetoi se zyrtarët falsifikuan raportet për një ngjarje në IEVP-në Reç, Shkodër mes disa të dënuarve.

SHKBB ka marrë dijeni në rrugë operative se kishte dyshime se në IEVP-në e Reçit, Shkodër ishin administruar dokumenta të falsifikuar.

Në këto kushte, pasi u vunë përballë këtij fakti, u kryen veprime proceduriale në bashkëpunim me Prokurorinë e Rrethit Gjyqësor Shkodër dhe duke qenë se provat ishin të mjaftueshme Gjykata mori vendimin e sipërcituar.

Qëllimi i zyrtarëve ishte që të krijonin kushte lehtësuese duke hartuar raporte të falsifikuar për të dënuarit autorë përkundër ndëshkimit sipas ligjit, me arsyetimin se kishte ndodhur një konflikt verbal.

Më 20 korrik 2021, rreth orës 10:25 në ambientet e ajrimit në IEVP të dënuarit “E.Ç.”, “F.G.” dhe “P.N.”, dhunuan me shkelma dhe grushte bashkëvuajtësin “E.Z.”.

Nënkomisar “G.Q.” përpiloi raport shërbimi të ngjarjes për autorët. Mandej, me urdhër të drejtorit dhe Shefit të Policisë, ai hartoi raport të dytë dhe kreu falsifikimin e firmave të efektivëve të policisë “G.Q.” dhe “E.Z.”.

Puna vazhdoi mbi raportet e falsifikuar në Komisionin Disiplinor, që kishte anëtar drejtorin Meta dhe shefin e policisë Bundo.

Më tej, hetimet vërtetuan falsifikimin e kryer në bashkëpunim, u morën deklarimet dhe u administrua i gjithë dokumentacioni i falsifikuar.

Continue Reading

LAJMI FUNDIT

Copyright © 2021 EE Times TV

error: Content is protected !!