Connect with us

Aktualitet

Ndërroi jetë një grua, që meriton të njihet: Myriam Kamsi

Published

on

U shua, në shtëpinë e Motrave të Nënë Terezës, në Tiranë, Myriam Kamsi, e bija e Gjonit, motra e Willyt, duke lënë pas kujtimin e një gruaje të rrallë për fenë, atdhetarizmin, kulturën, mikpritjen, dashurinë e pafundme për njeriun, për çdo njeri që, në shtëpinë e saj të thjeshtë, pritej “si motit”, me respekt e dashuri të pashoqe.
R. Sh. – Vatikan

Dje, me datën 21 nëntor, u shua, në Tiranë, një nga gratë më të heshtura por edhe më të kulturuara të Shqipërisë: Myriam Kamsi, bija e Gjon Kamsit, burrit të mirënjohur për fenë, atdhedashurinë dhe kulturën tij, mik e botues i veprës së Luigj Gurakuqit – e motra e studiuesit, bibliografit dhe ambasadorit të parë të Shqipërisë pranë Selisë së Shenjtë, Willy Kamsit. Po aq atdhedashëse, sa i jati – e po aq e kulturuar, sa i vllai, ajo jetoi nën hijen e tyre, duke u shërbyer me përkushtim të rrallë, pa e hequr kurrë nga dora librin.

Në një shtëpi të vogël, që njihej nga gjithë libërdashësit si streha e librit dhe e mikut, posaçërisht e meshtarëve katolikë. Nën këtë strehë gjindeshin “thesare”: jo ari e diamantesh, po letre, sepse aty brez pas brezi qenë mbledhur një mori librash, dorëshkrimesh, dokumentesh, letërkëmbimesh, pikturash e relikesh, me vlera të pallogaritshme për historinë e Shqipërisë. Aty ruhej edhe dorëshkrimi i Letrës së famshme drejtuar nga Gjon Kamsi Enver Hoxhës, në mbrojtje të Nënë Terezës, sharë me fjalë të ndyra nga diktatori.

Pas vdekjes së Willy-t Miriam, ndonëse e dashuruar me librat, ia dhuroi thesarin e familjes Etërve Françeskanë, duke e pasuruar ndjeshëm bibliotekën e tyre. Më datën 3 nëntor 2018, në sallën “Illyricum” në Shkodër, u bë paraqitja e bibliotekës së Gjon e Willy Kamsit dhuruar bibliotekës Françeskane nga e motra Myriam. Ceremonia u organizua pranë Kuvendit të shën Françeskut në Gjuhadol, në Shkodër, ku u kujtuan Gjon e Willy Kamsi, si personalitete të shquara shqiptare. Gjon Kamsi u kujtua si ekonomist shumë i njohur dhe botues, që la një një mori të madhe shkrimesh në fushën e studimeve ekonomike, ditaresh, epistulash. Willy Kamsi, për punimet e tij si bibliotekar i censhëm, studiues, historian, albanolog. Gjon dhe Willy Kamsi punuan shumë për Shkodrën dhe Shqipërinë duke lënë pas kontribute të çmuara në të gjitha fushat.

Familja e Gjon Kamsit ka qenë shumë e afërt me fretërit franҫeskanë të Shqipërisë sidomos me At Gjergj Fishtën, At Pal Dodajn e shumë të tjerë. Willy ishte edhe një nga bashkëpunëtorët e Radio Vatikanit, ku vinte shpesh, edhe i shoqëruar me të motrën. Në këtë botë kulture jetoi Myriam – Mila për miqtë – deri dje, 22. 11. 2021, kur u shua në shtëpinë Motrave të Nënë Terezës, në Tiranë, larg Shkodrës së saj, qytetit që e deshi me gjithë zemër. Shkoi në një jetë më të mirë, duke lënë pas kujtimin e një gruaje të rrallë për fenë, atdhetarizmin, kulturën, mikpritjen, dashurinë e pafundme për njeriun, për çdo njeri që, në shtëpinë e saj të thjeshtë, pritej “si motit”, me respekt e dashuri të pashoqe. Emri i saj, i fshehur nën hijen e emrit të babës e të vëllaut, meriton të dalë në dritë të paktën sot, ditën e saj të fundit mbi dhe! Sepse ndërroi jetë një grua, që meriton të njihet nga të gjithë qoftë edhe pas vdekjes! Pushoftë në paqë

Continue Reading
Click to comment

Leave a Reply

Your email address will not be published. Required fields are marked *

Aktualitet

INSTAT: Shqipëria me përqindjen më të lartë të të vetëpunësuarve në Europë

Published

on

By

Sipas të dhënave të INSTAT, në fund të vitit 2020 gati 32% e të punësuarve në vend ishin të vetëpunësuar.

Të dhënat e tjera të Eurostat bëjnë të ditur se Shqipëria ka përqindjen më të lartë të vetëpunësimit në Europë dhe mëse dyfish në krahasim me mesataren e bashkimit Europian prej 13.3% në fund të 2020-s.

Në vend të dytë në Europë është Greqia, me 28.4% të totalit të punonjësve që janë të vetëpunësuar, e ndjekur nga Italia me 20.1% dhe Turqia me 19.3%.

Nga rajoni, përqindja më e lartë e vetëpunësimit është në Serbi, me 19.2% dhe më pas Mali i Zi me 17.2%. Më e ulëta është në Maqedoninë e beriut me 17.2% (të dhënat për Kosovën dhe Bosnjë Hercegovinën mungojnë).

Të vetëpunësuarit, më shumë me arsim 8/9 vjeçar

Pjesa më e madhe e të vetëpunësuarve në vend janë me arsim të ulët. Sipas INSTAT, gati 41% e të punëaurve më arsim 8/9 vjeçar e fitojnë jetesën përmes vetëpunësimit.

Edhe ata me arsim të mesëm tentojnë që të hapin bizneset e tyre, me vetëpunësimin që zë 34% të kësaj kategorie.

Ndryshe është për personat që kanë arsim të lartë, që duket se e kanë më të lehtë që të gjejnë një punë në biznese që nuk i kanë hapur vetë. Vetëm 12% e të punësuarve me arsim të lartë janë të vetëpunësuar.

Meshkujt janë më të prirur të hapin sipërmarrje, me 38% të tyre që janë të vetëpunësuar, kundrejt 25% të femrave.

Sipas grupmoshave, përqindja më e lartë e vetëpunësimit rezulton tek personat që janë mbi 65 vjeç (60%) dhe më e ulëta për të rinjtë deri në 24 vjeç (20%)

Bashkimi Europian

Në tremujorin e dytë të vitit 2021, 13% e të punësuarve të moshës 20-64 vjeç në BE ishin të vetëpunësuar, sipas Eurostat. Të punësuarit e tjerë u klasifikuan kryesisht si të punësuar (86%) me një përqindje më të vogël (më pak se 1%) që punonin si punëtorë familjarë kontribues.

Në mesin e të vetëpunësuarve, meshkujt ishin më shumë se femrat (67% kundrejt 33%). Në të kundërt, kishte një ndarje mjaft të barabartë midis burrave dhe grave që kategorizoheshin si punonjës (52% kundrejt 48%).

Duke shqyrtuar të dhënat sipas grupmoshave, një përqindje më e madhe e personave të moshës 55-64 vjeç ishin të vetëpunësuar (17%) krahasuar me grupmoshat e tjera; 4% e moshave 15-24 ishin të vetëpunësuar dhe 13% e atyre 25-54 vjeç.

Veç kësaj, vetëpunësimi duket të jetë pak më i zakonshëm në mesin e njerëzve të punësuar që kanë nivel të ulët arsimor (16% e njerëzve me nivel të ulët arsimor ishin të vetëpunësuar krahasuar me 12% të njerëzve me nivel të mesëm arsimimi dhe 13% me nivel të lartë arsimor)./MONITOR

 

Continue Reading

Aktualitet

Masakra në Leçan, Ledioni dhe Genta ishin miq të ngushtë, shokët e tyre publikojnë pamje prekëse

Published

on

By

Ledion Hamzaj dhe Gentiana Mustafaj, 16 dhe 17 vjeç, janë dy nxënësit që humbën jetën në mënyrë tragjike në autobusin e sulmuar me kallashnikov të premten në mbrëmje në Kosovë.

Disa pamje të publikuara në rrjetet sociale dëshmojnë për një miqësi të mirë mes Ledionit dhe Gentianës. Të dy u përcollën për në banesën e fundit, me një ceremoni të përbashkët sot në varrezat e fshatit, ku morën pjesë qindra persona.

Dy të rinj plot energji, siç i përshkruajnë shokët e të afërmit, gjë që e reflektonin edhe në videot e postuara në TikTok. Miqtë e tyre të klasës kanë përmbledhur disa nga momentet e tyre më të bukura së bashku.

Ngjarja në fshatin Gllogjan të Deçanit tronditi mbarë opinionin publik në Kosovë ndërsa autori vazhdon të mbetet në arrati. Qeveria e Kosovës ka ofruar 20 mijë euro shpërblim për këdo që jep informacione për autorin e vrasjes së trefishtë.

Shoqja e klasës së Genta Mustafës, tha dje për T7 se kjo është fotografia të cilën Genta dhe Ledioni e kishin bërë pak para se të vriteshin.

 

 

 

Continue Reading

Aktualitet

“Sot dridhet Tirana anembanë”, Meta poston videon e veçantë për 29 nëntorin: Po digjet e po bëhet shkrumb e hi

Published

on

By

Presidenti Ilir Meta ka postuar videon e veçantë në rrjetin e tij social ‘facebook’ ku ka uruar për festën e 29 nëntorit që shënon 77 vjetorin e çlirimit të Shqipërisë nga forcat pushtuese gjatë luftës së dytë botërore.

Më herët Meta, ka qenë i pranishëm në homazhet e mbajtura në Varrezat e Dëshmorëve së bashku me kryeministrin Edi Rama dhe kryeparlamentaren Lindita Nikolla, por nuk është takuar në asnjë moment me kreun e mazhorancës.

Postimi i plotë nga presidenti, Ilir Meta:

GËZUAR DITËN E ÇLIRIMIT!
Lavdi dëshmorëve dhe heronjve të Luftës Antifashiste Nacionalçlirimtare, gjakut dhe sakrificave të bijve dhe bijave më patriotë për mbrojtjen e Lirisë dhe Sovranitetit të Shqipërisë!

 

https://www.facebook.com/watch/?v=267428305355843&t=1

Continue Reading

LAJMI FUNDIT

Copyright © 2021 EE Times TV

error: Content is protected !!