Vllaznia një ditë më parë vendosi që të shkarkonte trajnerin gjerman Thomas Brdariç, pas humbjes së derbit të Shqipërisë në Loro Boriçin, Tiranën.

“Klubi i Futbollit Vllaznia njofton se ka vendosur ndërprerjen e marëdhënies me trajnerin Thomas Brdariç. Në vazhdimësi ekipi do të drejtohet nga trajneri Elvis Plori. Me këtë rast, falenderojmë trajnerin Brdariç për të gjithë kontributin e dhënë dhe i urojmë suksese ne karrierën e tij”, thuhet në një njoftim të një ditë më parë.

Por klubi kuqeblu nuk ka vonuar dhe e ka gjetur menjëherë pasuesin. Dhe ai është Elvis Plori ndihmësi i Brdariç.

“KF Vllaznia i uron suksese trajnerit Elvis Plori në detyrën që ka marrë përsipër për të drejtuar ekipin e parë bashkë me Auron Milotin dhe i siguron që do të kenë mbështetjen maksimale nga të gjitha strukturat e klubit për të arritur objektivat që kemi vënë të gjithë sëbashku”, thuhet njoftimin më të fundit të klubit kuqeblu.