Connect with us

Aktualitet

Gjesti i veçante i mesueses nga Shkodra/ Nje model perkushtimi dhe ndjeshmerie!

Published

on

Nga Senada Demushi!
Dite e fundit e marsit sot data 31 !
E gjej kohen pas kaq ditesh te ketij muaji te bukur qe solli edhe pranveren e ktij viti serish ….pas punesh te shumta qe me rropaten ne perditshmerine time ….ne kete mbremje te vone te ketij muaji si shpesh me ndodh ..bej dhe bilancet e mija ..pluset dhe minuset qe mora nga vetja dhe nga jeta ! Njerezit e rinj qe njoha ,shperblimet e mundit qe fitova tek nxenesit dhe tek femijet , sakrificat per te qene nje grua-nene-mesuese sa me e mire ,shembujt qe me dha jeta…..ketu dua te ndalem sonte ne kete pothuaj mesnatë …..!
Eshte ora kur femijet e mi kane ore qe kane fjetur ,enet e mija jane lare ,nje gatim per neser ,ca rroba gati per femijet ne diten tjeter per ne shkolle ,ditari im i kryer…etj -etj., ne kete cast kuptova se ende nuk kisha transmetuar te miqtë e mi te Facebookut at qe lexojnë çdo shkrim a botim timin, nje kujtim shume te bukur qe me la mua dhe 33 -prinderve te tjere mesuesja e klases se I- B ne shkollen ” Ismail Qemali “-Shkoder ; mesuese Lejla Duli ose mesuese Lali siç njihet ne qytet prej shuume vitesh !
Nuk pata zgjedhur mesuese Lalin per vajzen time ne klasen e pare edhe pse ma kishin cituar si emer dinjitoz ! Kisha takuar njerez qe me shume me drejtonin tek nje mesuese tjeter !
Dy ditë para fillimit te shkolles e takova mesuesen qe doja per vajzen time dhe nuk pata ndjesinë qe kerkoja une per vajzen time Aisis ! Nuk e di pse ! Por shpesh ndjesite e mija nuk me genjejne edhe pse zhgenjime kam patur sigurisht ! Nuk kishte vende per nxenes te tjere tek ajo mesuese. E lashe ne doren e fatit kete here ! Ne disa raste kur kam kërkuar nje njeri te veçante prane femijeve te mi , jam zhgenjyer ! Kete here vendosa te mos ngul kembe me ! Sisi im eshte nje femije i mbyllur dhe nuk jep shume nga vetja po nuk ndjeu siguri ,por mesueset e parashkollorit me kishin thene se ishte shume e zonja,ashtu me dukej edhe mua ne fakt ,ama i duhej kohe te pershtatej dhe te pelqente e ti bindej mesueses ..kësaj i druhesha ! Doja te gjeja nje mesuese sa me njerezore ,me durim dhe qe transmeton siguri tek femija qe te shprehej mire e lirshem !
Diten e pare te shkolles ,pasi u ndane femijet neper klasa mora vesh se emri i mesueses se vajzes ishte Lejla Duli ! E pashe nga larg tek i mblodhi femijet me nje durim dhe përkushtim dinjitoz siç i takon nje mesueseje e cila pret 6-7vjeçarët plot emocione te klasës se pare ! Ne Wup na kishte ndertuar grupin e prinderve – nenave ku na njoftonte dy dite perpara qe te vinim dhe te prezantonim veten dhe femijet !
U futa ne klase bashke me dy- tri nena dhe po ndiqja me vemendje çdo fjale dhe veprim te saj karshi femijeve dhe karshi nesh ! M’u duk se isha vete edhe nje here ne klase te pare edhe pse e kisha edhe nje femije ne shkolle ,edhe pse e kisha provuar emocionin e klases se pare te femijes me Amlen ,vajzen time te madhe ! ! Isha e emocionuar pafund !Perjetova nje gezim shume te madh teksa shikoja dashurinë dhe kujdesin ndaj secilit femije ,menyren se si po perpiqej t’a bente diten sa me te lehte dhe secilin femije sa me miqësor me njeri- tjetrin ! Sigurisht me syrin e prindit ,por edhe te mesueses qe jam permblodha rreth zemres emocione dhe respekt te madh per mesuesen .
” Ah,:- psheretiva me vete , e paskam gjetur me duket ate qe kerkoja ! ‘
Pasi cdo gje e dites se pare përfundoi ,ne nje cep te shkalleve te shkolles ,ne katin e pare ,prisja mesuesen te dilte !
E ndrojtur me shume se vete vajza ime 6-vjecare e gjysme , iu afrova dhe e ftova per nje kafe !
” Mesuese Lejla , do te doja shume te njiheshim pak bashke ,dua t’ju tregoj se si eshte vajza ime ….ajo eshte e ndrojtur ,eshte e vogel ….eshte ….por eshte e zgjuar mendoj….eshte femija im ,normale keshtu mendoj ….duket e sertë ,por eshte femije i embel ,nuk afrohet kollaj……a mund te pime nje kafe ….”- i thashe me ne fund ! 🤦🏽‍♀️😂
Ajo qeshi dhe pranoi me shume fisnikëri !
Ndërsa pinim kafe dhe flisnim per vajzen ,ate qe na lidhi bashke qe prej asaj dite , ndanim tek-tuk edhe biseda per arsimin ne teresi ,menyren se si punonim te dyja me nxenesit….se sa shume i donim….etj -etj….shpesh syte e saj ishin plot lot kujtimesh per punen e saj ..breza e breza nxenesish te dalë nga duart e saj ! Sa here syte lotonin ajo buzeqeshte dhe me thoshte
‘ Mos ma ver re , jam e ndjeshme ,femijet per mua jane vete jeta ime ,nuk i ndaj me vajzen time ” !! Ate doja dhe une !
Nje shpirt fisnik qe di t’i doje nxenesit si femijet e saj ! E pyeta se cili mendonte se ishte çelësi i punës së saj dhe ajo me tha ” I dua te gjithe njelloj ,nuk bej kurre dallime ,punoj me te gjithe ,per te gjithe ” !
Ah ,sa u gezua shpirti im ! Ajo ore bisede ishte nje nder me te bukurat qe kisha bëre ndonjehere me nje mesuese !
Tani prisja te shikoja te vene ne zbatim cdo fjale te sajen !
Ditet kaluan dhe ne e njohem me shume njera -tjetren ne një lidhje te ngushte mesues -prind per mbarevajtjen e vajzes ne shkolle !Sa here Sisi mesonte nje shkronjë ,une mesoja dicka nga mesuesja …cdo dite me jepte nga nje shembull te ri jete dhe pune nga eksperienca e saj shumevjecare mqs kjo eshte edhe klasa e fundit per te sepse ne perfundim te klases se 5-te edhe mesuesja del ne pension !
Me 19-Janar Sisi im mbushi plot 7-vjece 😍
Mesuesja i kishte dhuruar nje liber te sajin me problema dhe ushtrime matematikore duke qenë se ajo kishte punuar edhe pedagoge ne universitet ,si dhe nje fotografi tonen familjare ,te cilen e kishte marre nga fcb im personal dhe e kishte zmadhuar !
Te njejten gje kishte bere edhe me shoqen e bankës se Sisit e cila kishte ditelindjen pak dite pas Sisit tim e me disa femije sic tha vajza ime !
Nje gazetare biles ,mike e imja me kerkonte t’a ftonte ne studio si promovim vlerash ngase une e pata postuar dhuraten e saj ,por ajo nuk pranoi te shkonte megjithse ju luta shume te shkonte !
*********
Ishte fund -shkurt i këtij viti kur ne celular me vjen nje mesazh !
“Pershendetje nena,jam prindi x . E krijova kete grup prinderish per te diskutuar rreth festes se 7-Marsit ,nese keni deshire te bashkohemi bashke ne vlere monetare ti bejme nje dhurate -kujtim mesueses se femijeve tane !
Per 33 sekonda erdhen 33 “po ,dakort jam ” !
U vendos qe une si kryetare e këshillit te prinderve te klases te mblidhja shume simbolike tek secili prind pa rene ne sy te mesueses! Edhe pse shume e ngarkuar me pune mora persiper t’a beja sepse mesuesen e doja shume dhe do sakrifikoja edhe une punet e mija per te sic ajo punonte dhe sakrifikonte per vajzen time cdo dite !
Vendosem te blenim nje unaze floriri dhe nje tufë me lule modeste si shenjë e festes se mesuesit!
Erdhi 7-Marsi !
Te lumtura ,une dhe mami e nje femije tjeter shkuam ne klase per ti dhene dhuraten ne emer te -te gjithe klases dhe e gjejmë duke qerasur femijet me shume gjera !
Nuk e ndali qerasjen e saj ….shikoja tek ajo përkushtim sikur ishte festa e pare qe festonte ..!
Dikur duke buzeqesh sic e ka natyrën e saj na kerkon falje dhe na falenderon per lulet !
Une nderkohe i’a kisha vendos edhe nje kuti te vogel mbi tavolinë ku kisha shtuar edhe dy gjera te vogla bashke me unazën dhe nje kartolinë !
Femijet hanin tere qetesi ushqimet e embla te mesuese se dashur !
” Mesuese ,dua uje ” …- u degjua nje vogelush !
Menjeherë mesuesja mori nje tufe gotash njeperdorimshe dhe po u mbushte ujin e blere per t’a !
” Ehhhh……:- tha duke qeshur ,- e dija une se do kishit etje nga sheqeri ,nuk ju bleva lengje artificiale sepse as nipit tim nuk i’a jap ,nuk jane te shendetshme ,por ju solla uje “
” Me falni ,- na u drejtua mua dhe nenes tjeter…..e vazhdoi tu shperndante ujin femijeve bankë per bankë!
Te dyja u pershendetem dhe u larguam sepse femijet donin vemendjen e mesueses se tyre dhe nuk donim te bezdisnim mesuesen as ata vete !
Pasdite me vjen nje mesazh nga mesuesja !
” Cfare kishit bere ashtu ?..unaza kishte kushtuar X leke ! E gjeta cmimin e saj ……do flasim !”
Mes nenash gjate kohes qe komunikonim per surprizën e mesueses ishte krijuar nje klime aq e bukur sa ndjehesha me shume fat qe isha mes tyre!
Ne mengjes kur cova vajzen ne shkolle nje nenë me merr ne tel dhe me kerkon te takohemi !
Me thote :-” Jam shume keq ! Mesuesja i kishte vendos djalit nje zarf te vogel ne cante dhe x leke Kështu kishte bere me secilin ! E kur i kerkova arsyen ajo me sy ne lot kishte thene se kishte mbajtur vetem para per lulet ! 🌹😔
Nuk pranoi ne asnje menyre ti merrte pas !
U habita! Shtanga! Mendova……
E prisja , i thashe !
-Si e prisje !? :- tha ajo !
– Mesuesja eshte shume e thjeshte ,e dashur ,modeste ne kuptimin me te mire te fjalës modeste , dhe idealiste ,jo materialiste ! Ju kam shkruar se do sikletoset shume , i’a njoh natyrën tashme !
I’a mora zarfin dhe u nisa per tek mesuesja !
Ishte ne oborr ende me femijet !
Nuk pranoi te diskutonte me gjate …me tha se me vlerësonte shume per nenen qe jam ,por vendimin tashme e kishte marre ! I kerkova t’a bente per mua ! Per ate raport e bukur qe ndjenim si dy nena per vajze time ! Por jo ! Ishte e kotë!
” Lulet i mbajta ,faleminderit shume nga ju per respektin ,unazën do t’a kem nje kujtim te bukur nga ju gjithe jeten ,por ate kam vendosur t’a paguaj une ! Ne keto kohe te veshtira qe po kalojme nuk eshte normale te shpenzohen i per mua aq shume ! Jemi me fat qe gjate kesaj Pandemi jemi ende gjalle ! Gjerat e tjera pak rendesi kane ! Sa kolegë se priten kete 7-Mars sepse i mori covidi ! Te kemi shendetin ,mos u merzitni me mua ! Vetem kur mendoj se keni nxjerre lekt nga xhepi me mendimin per mua me duket e tmerrshme lekë per mesuesen ????? . Per mua !? Te harxhoni per mua !? Jooo ! Ne asnje menyre ! Lulet i pranova ! Jane simbol i festes, dhuratat jo ! Ama e mbajta ,nuk ua ktheva !Por preferoj t’a blej vete ! Ju e vleresoj qe me vleresoni ,por shperblimi im eshte mirenjohja ! Mos ma merrni per keq ! Punoj ne emer te zotit ,kam frike Zotin ,nuk u bej padrejtesi femijeve se eshte gjynah ,bej detyren time ,kaq! Femijet jane jeta ime ! ” :- me tha e perlotur serish !
Mora me turp leket i futa ne cante dhe e perqafova shume fort tashme sikur te ishte nena ime !
Mu kujtuan 7-Marset e mija ! Asnje dhurate nuk kam marre ne 12 -vite pune ! E pra femijet me donin dhe i doja aq shume sa shume prej jush e dini mire se sa ngase une i ndaj me ju ndjesite e mija ! Jo se nuk me donin ! Por porosia ime cdo 6- MARS ISHTE ” mos me bleni asgje se ua kthej mbrapsht ! 7-Marsi im jeni ju ! Mirenjohja juaj eshte dhurata ime ! As qe shkoja ne pune me 7-Mars ,kerkoja leje ! Ata e dinin si isha une dhe me kuptonin mire se cfare mesazhi doja t’u mesoja per jeten !Ata me njihnin me mire se shume te rritur !
Dhe i thashe mesueses se e kuptoja ,se as une nuk doja dhurata sepse mendoja qe prinderit ndoshta nuk i kishin leket per tua dhene femijeve ,nuk doja kurre qe ata te ngushtoheshin as 100 leke per mua, por ne kete rast ishim ne prinderit ,jo femijet qe e vendosem ! Pra ne kete rast edhe une do t’a pranoja ! Se e beme me shume dashuri ! Me ne fund , kisha takuar “vetveten’ per femijet tim ! Shpesh – here im shoq me thoshte se zhgenjimet e mija per disa mesues tek femijet e mi ( jo te gjithe ) vinin nga fakti se une kerkoja vetveten tek ai mesues …e them pa modesti fare se ndihesha krenare per kete mendoja se une i dua aq shume nxenesit e mi sa askush tjeter ne bote sepse akoma nuk kisha takuar nje mesuese te tille te punonte e mendonte sic doja une me femijen tim ne shkolle !
Ndoshta mesuesja “mi theu hundet e krenarisë time duke me treguar se s’jam e vetmja qe perpiqem me shpirt per nxenesit e mi ! E mu duk se me tha :- ‘ jemi edhe ne tjeret plot fisnikëri ne profesionin tone ,nuk je vec ti qe mendon se i don dhe punon me shpirt per femijet, e puno fort se je heret per krekosje Senade,mesuese Senadë, puno fort …ke kohe je vetem 36- vjecare ! Prit se ke kohe te vish ne prag – pension dhe te bësh vepra te mira ende…”
Kerkoja nje ideale qe nuk e shihja askund per tre femijet e mi !
Sot e kam ! Kam mesuese Lalin! Nje shembull ne arsim ! Nje shembull per Shkodrën ! Per Shqiperinë !
Nje mesuese qe zbuti zemren e Sisit tim , qe e beri t’a donte me javen e parë ,qe e meson cdo dite me dashuri dhe durim te jashtezakonshem !
E nuk mendoja t’a gjejë tek nje mesuese ne prag pensioni ! Me falni per kete ,por keshtu mendoja ! Meqe vitet ne arsim te lodhin ,puna eshte e veshtire …..isha gabuar ! Brezi i kesaj mesueseje mendoja se nuk ekzistonte me !
Ndërsa une ,mora nje mesim te mire edhe nje here nga jeta ! Te gjithe prinderit mesuam ….se sa me fat ishim qe kishim nje mesuese te tille per femijet tane dhe se njerez te bukur ne shpirt ekzistojne dhe ata jane rreth nesh ! Mjafton t’i shohim dhe ti vleresojme !
Faleminderit qe ekziston mesuese Lejla Duli !
Te uroj shëndet dhe lumturi me familjen tende te mrekullueshme dhe suksese ne punen e veshtire re mesimit dhe edukimit te brezave !
Te duam shume !
Mami Nada dhe Aisis Demushi !
Familjarisht respekt
Ne emer edhe te 33-prinderve ose 66 – nena dhe baballarë e 33 – femije te klases se I-B ” Ismail Qemali ” – Shkoder !
Shkoder ,më 30 .Mars .2022!
Continue Reading
Click to comment

Leave a Reply

Your email address will not be published. Required fields are marked *

Aktualitet

“Për çfarë e do drejtoresha e QSUT krevatin dopio në zyrë?”, Berisha thirrje qytetareve nga Kuvendi: më 7 korrik në protestë, të ndalim revanshin e vjedhjeve!

Published

on

By

Kryetari i Partisë Demokratike, Sali Berisha ka reaguar ashpër ndaj qeverisë nga foltorja e Kuvendit. Ai nuk i kurseu ironitë në drejtim të një lajmi që qarkulloi në media se Albana Fico, drejtoresha e Përgjithshme e Qendrës Spitalore “Nënë Tereza” kërkoi krevat dopio për zyrën e saj.

Mes të tjerash Berisha iu bëri thirrje qytetarëve që të marrin pjesë në protestën e 7 korrikut.

“Përdorni firmat tuaja. Vjen dekreti këtu. Po s’vjen dekreti për atë që s’kanë me se të blejnë qumështin, për fermerin, që po falimenton. Se ke qene dhe e Bujqësisë (I drejtohet Ikonomi). E a di se lopët, dhitë, kërerët, janë më pak sot, 7 e 700 mijë krerë. Sipas statistikës. Rri tani mos i dil zot. Ai po ju përpin dhe ju me vjedhjet e tij. Mos i dilni zot atij. Gadafi, Gadaf mbetet, se përmirësonte dot imazhin. Si mund të sillni një dekret të tillë?! Ju bëj thirrje qytetarëve shqiptarë, të gjitëh në protestë. Ti ndalim revanshin e vjedhjeve të këtij grupi që s’ka as moral që vjedh në çdo stinë, në çdo kohë, në erërrirë dhe dritë. S’ka të ndalur! Si ka mundësi që të bini dekretin këtu? E morët vesh drejtoreshën e përgjithshme të Spitalit, gjysmë kunatë e ministrit të Rendit, që na porosit miliona euro për zyrën dhe shtrat dopio. Dhomë gjumi është zyra? Ca është kjo që bëni? Si ka mundësi? A vini nga zona bujqësore të vendit? A e kuptoni se ça po bëhet me fermerët shqiptarë sot? Po i shkatërroni fermerët me pikat e grumbullimit. Ky Gentjan Sharra aty, ka deklaruar këtu se Sali Berisaha ka tokë në Tiranë, Dhërmi, në Lalz. Tani informoj shqiptarët se ai do ketë 6 padi, 3 civile dhe 3 penale. Shume shpejt do të dalë dhe ai në kërkim si Gentjan Sharra i tij.”, tha Berisha.

Continue Reading

Aktualitet

Operacion masiv në Shkodër, 150 të shoqëruar për mashtrimet në call center

Published

on

By

Një operacion i madh po zhvillohet aktualisht në Shkodër nga forcat e policisë kundër mashtrimeve të bëra në call center të ndryshëm.

Sipas burimeve të Fax News, deri më tani bëhet me dije se janë shoqëruar 150 persona si përgjegjës për mashtrimet me “Forex”.

Janë gjetur bazat ku zhvillohej puna dhe janë sekuestruar pajisjet e përdorura me qëllim mashtrimin e shtetasve të huaj. Më tej priten edhe disa arrestime.

Continue Reading

Aktualitet

Një veteriner tregon se çfarë bën çdo kafshë në minutat e fundit të jetës

Published

on

By

Një nga momentet më të trishta që përjeton kushdo që ka një kafshë shtëpiake është ai i ndarjes. Në mënyrë të pashmangshme, edhe pse është e vështirë për t`u pranuar, përgjithësisht miku ynë me katër këmbë jeton më pak se ne. Kështu që, ndërsa ne e shoqërojmë gjatë gjithë jetës së tij, ai mbetet me ne vetëm për një periudhë shumë të shkurtër, e cila në mënyrë të pashmangshme lë gjumë, boshllëk dhe një dhimbje të patregueshme në momentin e lamtumirës.

Shumë kafshë, në fakt, që vuajnë nga sëmundje të pashërueshme ose që kanë arritur në fazat terminale të disa patologjive për të cilat terapitë janë joefektive, duhet t’i nënshtrohen eutanazisë, e cila edhe pse është gjëja më e vështirë për njerëzit që e marrin këtë vendim, është në fakt i duhuri për mikun 4-putrosh që po vuan.

Të bëhesh egoist dhe të mos dëshirosh të heqësh dorë nga qeni ose macja, nuk është diçka e mirë.

Akoma më egoiste është të mos qëndrosh në të njëjtën dhomë me të në momentet e fundit. E dini se çfarë bën një kafshë në momentet e fundit? Kërkon me sy për të zotin.

Ta mendosh që 90% e atyre që zgjedhin eutanazinë për kafshën e tyre, nuk qëndrojnë në një dhomë me ta, sepse nuk durojnë dot.

“Teksa bëhet ai injeksion, në momentet e fundit kafshët shikojnë përreth të dëshpëruara, duke kërkuar të zotët e tyre. Kjo ma thyen zemrën”, thotë një veteriner.

Pra, akti i vërtetë i dashurisë, sado i vështirë të jetë, është të qëndrosh me ta deri në fund. Në fund të fundit është një sakrificë që ata e meritojnë, për gjithë dashurinë e sinqertë, besnikërinë, shoqërinë dhe butësinë që na kanë dhënë në vitet tona së bashku.

Një tjetër veteriner, i cili publikoi një postim në Facebook për t’i bërë pronarët të kuptojnë se dëshira e vërtetë e kafshëve të tyre, para se të vdesin, është të shohin se kush i ka shoqëruar gjatë gjithë jetës së tyre, e përforcon këtë mendim.

“Ju keni qenë qendra e jetës së tyre për një kohë të gjatë. Ju jeni familja e tyre. Është e vështirë, është shkatërruese për ju, por ju lutem mos i lini vetëm. Mos i lini të ikin nga kjo botë, në një dhomë plot me të huaj, në një vend që nuk u pëlqen. Ajo që shumica e njerëzve nuk e dinë është se ata të kërkojnë me sy kur ti largohesh! Ata kërkojnë në çdo fytyrë të njerëzve në dhomë për fytyrën e njerëzve që duan. Ata nuk e kuptojnë pse e lanë tani që është sëmurë. Mos u trego frikacak vetëm sepse mendoni se kjo të dhemb shumë. Mendo pak si ndihet miku yt i braktisur”, shkruan veterineri.

Continue Reading

LAJMI FUNDIT

Copyright © 2021 EE Times TV

error: Content is protected !!