Një figurë që do të ketë pëlqimin jo vetëm të mazhorancës, por edhe të opozitës dhe gjithë shqiptarëve.

Kjo do të jetë përzgjedhja që socialistët do të bëjnë për presidentin e ri të Shqipërisë, shprehet ministrja e Shtetit për Sipërmarrjen, njëherazi drejtuese politike për Shkodrën, Edona Bilali.

Ministrja Bilali shprehet se nga 3 kandidatura të mundshme, ajo ka propozuar për President të ardhshëm dy gra shkodrane, emrat e të cilave nuk preferon t’i bëjë të ditura.

Drejtuesja politike e socialistëve foli edhe për procesin e zgjedhjeve se kryetarëve të PS në qarkun Shkodër ku aktualisht po shqyrtohen dosjet e kandidatëve ndërsa u bëri thirrje socialistëve që të lënë ndasitë sepse vetëm bashkimi mund të bëjë që PS të fitojë Shkodrën në zgjedhjet e ardhshme vendore.

Aktualisht në degët e PS të qarkut Shkodër janë rreth 25 kandidatura për Shkodrën, Malësinë e Madhe, Vau Dejësin, Pukën dhe Fushë Arrësin. /oranews/